अभंग २२
जन विजन जालें आम्हां । विठ्ठलनामा प्रमाणें ॥१॥
पाहें तिकडे बापमाय । विठ्ठल आहे रखुमाई ॥ध्रु.॥
वन पट्टण एकभाव । अवघा ठाव सरता जाला ॥२॥
आठव नाहीं सुखदुःखा । नाचे तुका कौतुकें ॥३॥
अर्थ :- भक्तिप्रेमचि प्राप्ति झाल्यामुळे जन आणि अरण्य आम्हाला समान भासते ।।1।।
जिकडे पहावे तिकडे आम्हाला विठ्ठल-रखमाईच दिसते ।।ध्रु।।
जनात आणि वनात आम्हाला काहीच फरक जाणवत नाही; कारण तुकोबाचे मन देहावर नाही ।।2।।
विट्ठलाच्या नामसंकीर्तनामधे तन्मय झालेल्या तुकोबांना सूखदुःखाची आठवनहि राहत नाही ।।3।।
कोणत्याही टिप्पण्‍या नाहीत:
टिप्पणी पोस्ट करा