अभंग १९
विष्णुमय जग वैष्णवांचा धर्म । भेदाभेदभ्रम अमंगळ ॥१॥
अइका जी तुम्ही भक्त भागवत । कराल तें हित सत्य करा ॥ध्रु.॥
कोणा ही जिवाचा न घडो मत्सर । वर्म सर्वेश्वरपूजनाचें ॥२॥
तुका म्हणे एका देहाचे अवयव । सुख दुःख जीव भोग पावे ॥३॥
अर्थ :- हे जग विष्णुमय आहे, वैष्णव हा एकच धर्म सर्वत्र आहे. माणसामाणसांमध्ये भेद करने ही अमंगल बाब आहे ।।1।।
हे भक्तजनहो, तुम्ही भगवंतचे श्रवण, चिंतन करून आपले हित साधुन घ्या ।।ध्रु।।
आपल्या हातून कोन्याहि जीवाचा मत्सर घडू नए, हीच खरी ईश्वर भक्ति आहे ।।2।।
तुकोबा म्हणतात, की शरीच्या कुठल्याही अवयवाला दुःख झाले तर ते सम्पूर्ण शरीराला, तसेच शरीरातील जीवाला जाणवते. त्याप्रमाणे विष्णुमय जगातील कोणत्याही जीवाचा मत्सर आपल्या हातून घडला असता तो इश्वराचा मत्सर केल्यासारखा आहे ।।3।।
Vijay sangle
उत्तर द्याहटवा