अभंग २४
आलिंगनें घडे । मोक्ष सायुज्यता जोडे ॥१॥
ऐसा संताचा महिमा । जाली बोलायाची सीमा ॥ध्रु.॥
तीर्थे पर्वकाळ । अवघीं पायांपें सकळ ॥२॥
तुका म्हणे देवा । त्यांची केली पावे सेवा ॥३॥
अर्थ :- संतांच्या अलिंगनाने, सहवासाने सायुज्य मोक्षाची प्राप्ति होते ।।1।।
अश्या संतसहवासाचा महिमा शब्दआतून वर्णन क़रतांना शब्द अपुरे पडतात ।।ध्रु।।
संतांच्या पायाशि सर्व तीर्थ व पर्वकाळ एकवटलेले असतात ।।2।।
तुकोबा म्हणतात, म्हणूनच संतचरणाची सेवा करावी ।।3।।
कोणत्याही टिप्पण्या नाहीत:
टिप्पणी पोस्ट करा