गाथा अभंग १०
अंतरींची घेतो गोडी । पाहे जोडी भावाची ॥१॥
देव सोयरा देव सोयरा । देव सोयरा दीनाचा ॥ध्रु.॥
आपुल्या वैभवें । शृंगारावें निर्मळ ॥२॥
तुका म्हणे जेवी सवें । प्रेम द्यावें प्रीतीचें ॥३॥
अर्थ :- परमेश्वर भक्ताच्या अतःकरणातील भक्तिचि गोडी स्विकारतो आणि त्याच्या अतःकरणातील भाव पाहतो ।।1।।
देव भक्ताचा सोयरा झालेला असतो ।।ध्रु।।
भक्ताच्या अंतरंगामधे तोच भक्तीचे वैभव निर्माण करतो ।।2।।
तुकाराम महाराज म्हणतात की, तो भक्तांबरोबर भोजन करतो व त्याच्यावर आपल्या प्रेमाचा वर्ष्याव करतो ।।3।।
कोणत्याही टिप्पण्या नाहीत:
टिप्पणी पोस्ट करा