गाथा अभंग २१३
हे चि अनुवाद सदा सर्वकाळ । करुनियां गोपाळकाला सेवूं ॥१॥
वोरसलें कामधेनूचें दुभतें । संपूर्ण आइतें गगनभरी ॥ध्रु.॥
संत सनकादिक गोमट्या परवडी । विभाग आवडी इच्छेचिये ॥२॥
तुका म्हणे मधीं घालूं नारायण । मग नव्हे सीण कोणा खेळें ॥३॥
अर्थ :- एक गोपाळ म्हणतो, भगवंताच्या लिलेचा सदा अनुवाद करून आपण गोपाळकाल्याचे अनुवादन करून आपण गोपाळकाल्याचे सेवन करू ।।1।।
कृष्णरूपी कामधेनुच्या प्रेमाच्या पांह्याचे सुखरुपी दूध सार्यांना पुरेसे होईल. ते त्रैलोक्यात पसरले आहे ।।ध्रु।।
सनकादिक संतांच्या चांगल्या पंक्तीने आपल्या इछ्येनुसार त्यांचा वाटा घ्यावा ।।2।।
तुकाराम महाराज म्हणतात, नारायनाला अंत:करणात स्थापित केले की कोनत्याही खेळाच्या योगाने दुःख होणार नाही ।।3।।
कोणत्याही टिप्पण्या नाहीत:
टिप्पणी पोस्ट करा