डाकेचे - अभंग ८
गाथा अभंग ४१३
चौक भरियेला आसनीं पाचारिली कुळस्वामिनी । वैकुंठवासिनि ये धांवोनी झडकरी ॥१॥
रंगा येई वो विठाई सांवळिये डोळसे । तुझें श्रीमुख साजिरें तें मी केधवां देखेन ॥ध्रु.॥
रजतमधुपारती । पंचप्राणांची आरती । अवघी सारोनी आइती । ये धांवती झडकरी ॥२॥
मन मारोनियां मेंढा । आशा मनसा तृष्णा सुटी । भक्तिभाव नैवेद्य ताटीं । भरोनि केला हाकारा ॥३॥
डांका अनुहात गजरे । येउनि अंगासी संचरे । आपुला घेउनी पुरस्कार । आरोग्य करीं तुकयासी ॥४॥
अर्थ :- अंत:करणरूपी आसनांनवर पंचज्ञानेंद्रिये, पंचकर्मेंद्रिये, पंचप्राण आणि चित्तचतुष्ट यांचा चौक करुण कुलस्वामिनीला प्राचारन केले. हे वैकुंठवासिनी, लवकर धावून ये ।।1।।
हे विठाइ, श्रीरंगे तुझे सावळे आणि साजरे असे श्रीमुख मी केव्हा पाहिन , असे झाले आहे ।।ध्रु।।
राजतन यांची धुपारती, पंचप्राणांची आरती अशी सारी तुझ्या पुजेची सामुग्री तयार करुण मी तुझी वाट पाहत आहे. हे जगदंबे, लकवकर धाव घे ।।2।।
वैराग्याच्या मुठिने मनरूपी मेंढा मारून, त्यातील आशा, तृष्ण, मोह आशा सार्यना बाजूला काढून, भक्तिभावाच्या ताटात नैवयद्य भरून मी हाकार करत आहे ।।3।।
तुकाराम महाराज म्हणतात, अखंड हरिनामाचा डंका गर्जत आहे; तरी माझ्या आंगात संचारुण माझ्या पुजेचा स्वीकार करा आणि माला भवरोगापासून मुक्त, निरोगी करा ।।4।।
कोणत्याही टिप्पण्‍या नाहीत:
टिप्पणी पोस्ट करा