३४८याजसाठीं भक्ति

गाथा अभंग ३४८

याजसाठीं भक्ति । जगीं रूढवावया ख्याति ॥१॥

नाहीं तरी कोठें दुजें । आहे बोलाया सहजें ॥ध्रु.॥

गौरव यासाटीं । स्वामिसेवेची कसोटी ॥२॥

तुका म्हणे अळंकारा । देवभक्त लोकीं खरा ॥३॥

अर्थ :- या जगातील सामान्य जीवांना तारण्यासाठी साधा-सोपा भक्तिमार्ग वृढ करणगाची गरज आहे  ।।1।।

नाहीतर या जगामध्ये एका विठ्ठला शिवाय दूसरे दैवत कोठे आहे ? ।।ध्रु।।

या साध्या सोप्या भक्तीच्या किर्तीसाठी स्वामीसेवेचि कसोटी आहे ।।2।।

तुकोबा म्हणतात, असा देवभक्त हा समाजातील एक खरा अलंकार आहे  ।।3।।