गौळणी
गाथा अभंग ४१२
गाईन ते लीळा चरित्र पवाडे । राखिले संवगडे सहित गाई ॥१॥
चोरिलें नवनीत बांधविला गळा । जे तुम्हीं गोपाळा छंद केले ॥ध्रु.॥
मोहिल्या गोपिका पांवयाच्या छंदें । केली ते गोविंदें क्रीडा गाऊं ॥२॥
मायबापा लाड दाखविलें कौतुक । तें या आणूं सुख अंतरासी ॥३॥
निर्दाळिले दुष्ट भक्तां प्रतिपाळी । ऐसा म्हणों बळी आमुचा स्वामी ॥४॥
तुका म्हणे सरसी असों येणें वोघें । लागोनि संबंधें सर्वकाळ ॥५॥
अर्थ :- श्रीकृष्णने आपले सवंगडी गोळा करुण गई राखल्या. त्या ठिकाणी लीला केल्या, पराक्रम केले, त्याचे चरित्र मी गात आहे ।।1।।
ज्याने लोन्याची चोरी केली, आपला गळा बांधून घेतला. गोपाळांबरोबर वेगवेगळे छंद (खेळ) केले ।।ध्रु।।
त्याने पावा वाजवुन त्या ध्वनीने गोपीना मोहित केले. गोविंदाने तेथे जी क्रीड़ा केली, ती मी गातो ।।2।।
आपल्या आइवडिलांना त्याने लाड़ाने जे नवल दाखविले. त्यामुळे जे सुख निर्माण झाले , ते मी आठवित आहे ।।3।।
देवाने दृष्टांचे निर्दालन केले आणि भक्तांना वाचवीले. असा हा सामर्थ्यशाली भगवंत आमचा स्वामी आहे ।।4।।
तुकाराम महाराज म्हणतात, आशा या बोधाने संपन्न बनून सदासर्वकाळ त्याच्याजवळ राहु ।।5।।
कोणत्याही टिप्पण्‍या नाहीत:
टिप्पणी पोस्ट करा