डाकेचे अभंग
गाथा अभंग ४१७
पुढें येते देवी । तिची जती चालों द्यावी । मागील झाडावी । झाडा मान आसडी ॥१॥
एकवीरा आली अंगा । आतां निवारील रोगा । माझ्या भक्तापाशीं सांगा । पूजा भावें करावी ॥ध्रु.॥
मेंढा मारावा लोवाळ । पूजा पावली सकळ । तुम्हीं केलें बळ । मग मी ठायीं न पडें ॥२॥
तुका म्हणें मुळीं । लागली ते आली कुळीं । वंदुनी सकळीं । जीवें भावों ओवाळा ॥३॥
अर्थ :- पुढे देवी येणार आहे. तिची यात्रा करावी. मागील सारे नवास-सायास फेडून टाकावेत ।।1।।
एकविरा अंगात संचारली आहे. ती आता रोग निवारण करील. ती आपल्या भक्तांना सांगते, की श्रध्येने माझी पूजा करा ।।ध्रु।।
केसाळ मेंढी मारा म्हणजे मला पूजा पावेल. तुम्ही बळाने काही करू जाल, तर मी सापड़नार नाही ।।2।।तुकाराम महाराज म्हणतात, ही देवी आमच्या कुळात आलेली आहे. तिला वंदन करुण तिची मनापासून आरती करा ।।3।।
कोणत्याही टिप्पण्‍या नाहीत:
टिप्पणी पोस्ट करा