हमामा - अभंग २
गाथा अभंग १२९
मशीं पोरा घे रे बार । तुझें बुजीन खालील द्वार ॥१॥
पोरा हमामा रे हमामा रे ॥ध्रु.॥
मशीं हमामा तूं घालीं । पोरा वरी सांभाळीं खालीं ॥२॥
तरी च मशीं बोल । पोरा जिव्हाळ्याची ओल ॥३॥
मशीं घेतां भास । जीवा मीतूंपणा नास ॥४॥
मज सवें खरा । पण जाऊं नेदी घरा ॥५॥
आमुचिये रंगीं । दुजें तगेना ये संगीं ॥६॥
तुक्यासवें भास । हरी जीवा करी नास ॥७॥
अर्थ :- पोरा,माझ्याशी एकदा हमामा ( विशिष्ट प्रकारचा खेळ ) खेळ म्हणजे तुझे खालचे अधोगतीचे दार मिटऊंन टाकिन ।।1।।
ए पोरा, अरे हमामा-हमामा खेळ ।।ध्रु।।
माझ्याशी हमामा खेळताना तू खाली-वर सांभाळ ।।2।।
पोरा, अरे, तुझ्या आत जिव्हाळ्याचा ओलावा असेल, तरच माझ्याशी बोल ।।3।।
माझ्याशी बोलताना तुझ्या मी- तुपनाचा नाश होईल ।।4।।
तू मझायाबरोबर आहेस खरा, पण तुला प्रपंच्याकडे फिरु देणार नाही ।।5।।
आमच्या रंगाच्या संगतित दुसरा कुणी टिकट नाही ।।6।। तुकाराम महाराज म्हणतात, माझ्याशी भाषण केले तर मी जीवाचे हैरान करतो व त्याचा नाश करतो ।।7।।
कोणत्याही टिप्पण्या नाहीत:
टिप्पणी पोस्ट करा